The Sun պարբերականը հայտնում է, որ «Մանչեսթեր Յունայթեդի» նոր մարզիչ Դևիդ Մոյեսի և հարձակվող Ուեյն Ռունիի միջև սպասվելիք հանդիպումը տեղի է ունեցել: Հանդիպման ժամանակ Ռունին Մոյեսին հայտնել է, որ ինքը չի խնդրել իրեն վաճառել:

-Կասկած անգամ չկա, որ Մոյեսը ցանկանում է թիմում պահել Ռունիին: Ընդհանուր առմամբ հանդիպումը լավ է անցել: Ռունին հերքել է տարածված այն լուրերը, ըստ որի նա խնդրել է, որպեսզի վաճառեն իրեն:

Նա պարզապես հիասթափված է եղել, երբ կարևորագույն խաղերում մնացել է պահեստայինների նստարանին,- հայտնում է The Sun-ը: