«Մանչեսթեր Յունայթեդի» հարձակվող Ուեյն Ռունին խոսել է թիմի անկայուն ելույթների մասին:

«Մենք պետք է վերջապես արթնանանք: Պետք է խաղադաշտ դուրս գանք և հիշենք, որ Անգլիայի գործող չեմպիոններն ենք: Ընդհանրապես կապ չունի, թե ես ինչ մարզավիճակում եմ, քանի որ ընդհանուր թիմի խաղը չի տպավորում:

Այս մրցաշրջանում եղել են խաղեր, որոնցում մենք ավելի լավ ենք խաղացել, բայց միևնույն է միավորներ ենք կորցրել: Կարծում եմ, որ մեզ համար օգտակար կլինի մի քանի անընդմեջ հաղթանակը: Պետք է իրատես լինենք և 6-8 խաղի ընթացքում ուղղենք մրցաշարային աղյուսակում տիրող իրավիճակը:

Ամեն դեպքում տհաճ է տեսնել, թե ինչ իրավիճակում է «Մանչեսթեր Յունայթեդը»: Դա ազդում է յուրաքանչյուր ֆուտբոլիստի հպարտության վրա»,-Ռունիի խոսքերը մեջբերել է The Telegraph-ը: