Daily Mail-ի հաղորդած տեղեկությունների համաձայն` Մադրիդի «Ռեալի» առաջատար Կրիշտիանու Ռոնալդուն առաջիկա 3 օրվա ընթացքում կհանդիպի «Մանչեսթեր Յունայթեդի» ներկայացուցիչների հետ: Պորտուգալացին կքննարկի Պրեմիեր լիգա վերադառնալու հավանական տարբերակը:

Վերոնշյալ աղբյուրը գրում է, որ Կրիշտիանուն նաև հանդիպելու է «Ռեալի» նորանշանակ գլխավոր մարզիչ Կարլո Անչելոտիի և նախագահ Ֆլորենտինո Պերեսի հետ:

Հիշեցնենք, որ ավելի վաղ Ֆլորենտինո Պերեսը վստահություն էր հայտնել` Ռոնալդուն կարիերան կավարտի «Ռեալում»: