Մյունխենի «Բավարիայի» պատվավոր նախագահ Ֆրանց Բեկենբաուերը ավարտել է «փրկիչների» թիմի հավաքագրությունը։ Samsung ընկերության գովազդային ակցիայի համաձայն՝ աշխարհն այլմոլորակայիններից փրկելու համար ֆուտբոլիստները պետք է հաղթեն մրցակցին, տեղեկացնում է The Daily Mail-ը։

Աշխարհի հավաքականից կխաղան՝ Մադրիդի «Ռեալի» հարձակվող Կրիշտիանու Ռոնալդուն, կատալոնական «Բարսելոնայի» հարձակվող Լիոնել Մեսին, «Մոնակոյի» հարձակվող Ռադամել Ֆալկաոն, Մյունխենի «Բավարիայի» կիսապաշտպան Մարիո Գյոտցեն, Մադրիդի «Ռեալի» դարպասապահ Իկեր Կասիլյասը, «Մանչեսթեր Յունայթեդի» հարձակվող Ուեյն Ռունին, Լոնդոնի «Չելսիի» կիսապաշտպան Օսկարը, «Լիվերպուլի» կիսապաշտպան Վիկտոր Մոզեսը, «Միլանի» հարձակվող Ստեֆան Էլ Շարավին, «Լոս Անջելես Գելեքսիի» կիսապաշտպան Լենդոն Դոնովանը, «Բոլտոնի» կիսապաշտպան Լի Չխոն Յոնը, «Շանհայ Տելեյսի» պաշտպան Ու Լեյը եւ Սանկտ Պետերբուրգի «Զենիթի» հարձակվող Ալեքսանդր Կերժակովը։

Թիմի գլխավոր մարզիչը կլինի Բեկենբաուերը, իսկ ավագը՝ Մեսին։