Անգլիայի առաջնության 16-րդ տուրում «Ասթոն Վիլային» 3:0 հաշվով հաղթելուց հետո «Մանչեսթեր Յունայթեդի» գլխավոր մարզիչ Դևիդ Մոյեսը հայտարարել է, որ իր թիմը պետք է շարունակի աշխատել նույն ոգով:

«Չեմ կարծում, թե այս և դրան նախորդած խաղերի միջև տարբերություն կա: Տարբերությունը միայն այն է, որ մենք այս անգամ գոլեր խփեցինք: Գիտակցում ենք, որ այս խաղից էլ ավելի լավ պետք է հանդես գանք: Առաջիկա ամիսների ընթացքում պետք է անընդհատ կատարելոգործենք մեր խաղը:

Ֆուտբոլիստներին արդեն ասել եմ, որ հաղթանակը մեր հնարավորությունների նվազագույնն էր: Պետք է շարունակենք աշխատել և հաղթել»,-Մոյեսի խոսքերը մեջբերել է Sky Sports-ը: