«Մանչեսթեր Յունայթեդի» պաշտպան Պատրիս Էվրան հայտարարել է, որ չնայած թիմի անհաջող խաղին, ֆուտբոլիստները շարունակում են աջակցել գլխավոր մարզիչ Դևիդ Մոյեսին:

-Ակումբում մեծ փոփոխություններ են կատարվել: Ոչ ոք չի սիրում փոփոխություններ: Բոլորս աջակցում ենք գլխավոր մարզչին, և մենք անելու ենք ամեն ինչ Չեմպիոնների լիգայում պայքարը շարունակելու համար: Իմ` ակումբի նկատմամբ ունեցած սերը չի փոխվելու,-Էվրայի խոսքերը մեջբերել է Goal.com-ը:

Հիշեցնենք, որ Չեմպիոնների լիգայի 1/8 եզրափակիչ փուլի առաջին խաղում «Ման. Յունայթեդը» 0:2 հաշվով պարտվել է «Օլիմպիակոսին»: